«Ғалымды шақыр» жобасы аясында 2017 жылдың 28 сәуірінде «Жоғары математика» кафедрасының доценті Емелина Н.К. және аға оқытушысы Омарова М.Т. Қарағанды қаласының №53 ЖББОМЛ «Логарифмдік функцияның қасиеттері және графигі» атты іс-шарасын өткізді. Оқушылар оқытушылармен бірігіп логарифмдік функцияның қасиеттерін қайталады, теңдеулерді шешті және графиктер салды. Іс-шара интерактивті формада өтіп, оған бітірушілер белсене қатысты.
2017 жылдың 27 сәуір күні «Спорт жұлдыздары ҚЭУ таңдайды!» ұранымен сырттай және кешкі қашықтықтан оқыту факультеті ҚЭУ, ҚБЗК және басқа да Қарағанды қаласы мен облыс колледждері студенттерінің қатысуымен атақты қазақстандық спортшы Екатерина Айдовамен кездесу өкізді.
Екатерина – конькимен жүгіру спортынан жасөспірімдер арасында әлемнің үш дүркін чемпионы, жасөспірімдер арасында әлем чемпионатының күміс жүлдегері, Әлем кубогінің қола жүлдегері (2015 жыл), екі қысқы олипиадалардың қатысушысы (2010, 2014 жылдар), Универсиаданың екі дүркін қола жүлдегері (2017 жыл). Сонымен қатар, Екатерина Айдова ҚЭУ студенті болып табылады және «Юриспруденция» мамандығы бойынша екінші жоғары білім алуда.
Кездесу «Сұрақ-жауап» форматында өтті және аудиторияның ерекше қызығушылығын тудырды. Атақты спортшы өзінің спорттағы, оқудағы жетістіктері және де келешектегі жоспарлары туралы да айтып кетті.
Қарағанды қаласы мен облыс колледждерінің студенттері Е.Айдовамен кездесудің алдында университетпен танысып улгерді, атап айтқанда, музей, конференц-зал, спортзал, аудиторияларды, жаздық спорттық алаңын, электронды киосктер мен кітапхананы өз көздерімен көре алды.
СКҚОФ деканаты
2017жылдың 24 cәуірінде Көптілді білім беру орталығымен ҚҚЭУ көптілді мұғалімдеріне, магистранттарына, докторанттарына және студенттеріне арналған «Critical Thinking in University teaching process» атты семинар ұйымдастырылды. Семинарды көптілді білім беруді дамыту мақсатымен Брунель Университетімен халықаралық серіктестік аясында халықаралық бизнесті дамыту бағдарламасының директоры, Брунель Университетінің стратегиялық және операциялық менеджмент, сыни ойлау және МВА жөніндегі аға лекторы (Лондон, Ұлыбритания), PhD Абрахам Алтонаян жүргізді. Профессор Алтонаян “жиналған қауымның ағылшын тілін меңгеру деңгейіне тәнті болғанын” айтты.
27 сәуір 2017 ж. АЕЖ кафедрасы Астрахань мемлекеттік сәулеттік-құрылыс университетімен «Ұлттық экономиканы жаңғырту шартында ақпараттық технологиялар және логистикалық үдерістер» халықаралық студенттік онлайн ғылыми конференциясын өткізді. ҚҚЭУ «Ақпараттық жүйелер» және «Есептеуіш техника және бағдарламалық қамтамасыз ету» мамандықтарының студенттері ақпараттық технологиялар саласындағы өзекті мәселелерін баяндап, ҚР Президенті Н.Назарбаевтың Қазақстан халқына «Қазақстанның үшінші жаңғыруы: жаһандық бәсекеге қабілеттілік» жолдауының негізгі бағыттарын талқылады.
Орта білім беру оқу орындарының 9-11 сынып арасында өткен графикалық сурет (графикалық компьютерлік жұмыс) байқауының қорытындысы:
«Ақпараттық-есептеуіш жүйелер» кафедрасы «Діни экстремизм және терроризм: қиял ма әлде шындық па?» атты дөңгелек үстел өткізді. Кездесуге «Қарағанды облысының дін істері басқармасы» ММ бөлімінің басшысы Тлекбаев Серик Куатович қатысты.
Терроризм мен экстремизм өз ауқымы, зардаптары, қарқыны, жою күші, рақымсыздығы мен қатыгездігі бойынша қазіргі таңда барлық адамзаттың алапат мәселесіне айналды. Әлемнің әртүрлі елдеріндегі лаңкестік әрекеттермен байланысты соңғы қайғылы оқиғалар осының дәлелі болып табылады.
Тлекбаев С.К. өз сөзінде мемлекет тарапынан халық қауіпсіздігін қамтамасыз етуде қандай іс-шаралар қолданылатынын, қопарғыш жабдықты табу кезінде және террорлық әрекет қауіпі кезінде қауіпсіздік әрекеттерінің ережелерін айтып кетті. Сонымен қатар, діни экстремизмнің пайда болуы мен таралу себептерін, оның туындау формаларын ашып айтты, Қазақстанда әрекет ететін діни қоғамдық бірлестіктер ерекшеліктерін түсіндірді.
Дөңгелек үстел қатысушылары толеранттық рухында жастарды тәрбиелеудің, кез келген адамға, оның ұлты, дініне қарамастан сыйластық танытудың тиімді механизмдерін іздеу үрдісін жандандыруды қажет екенін атап өтті.
Жыл сайын «Туризм және МІ» кафедрасының студенттері мамандық бойынша республикалық пәндік олимпиадаларға белсенді қатысады. 2017 жылы 19-20 сәуір аралығында Е.А. Бөкетов атындағы ҚарМУ-де туризм бойынша пәндік олимпиада өтті. Біздің университеттен Тур-42 тобының студенттері Алдангаров Казбек, Калиев Мади, Тур-32 тобының студенті Рахимбеков Аблайхан, Тур-21к тобының студенті Туякова Аяулым кафедра оқытушысы А.А.Гарипованың жетекшілігімен қатысып, жүлделі 3-ші орынға иеленеді. Студенттерімізді құттықтап, келешекте шығармашылық табыс тілейміз!
АҚПАРАТТЫҚ ХАТ
2017 жылғы 26-27 сәуірде Қазтұтынуодағы Қарағанды экономикалық университеті «Жаңа дәуір. Жаңа буын. Жаңа энергия» халықаралық студенттер слётін өткізеді.
Слёттің мақсаты: студенттік ғылымды дамыту, дарынды жастарды анықтау және қолдау.
Слёттің міндеттері:
- түрлі елдердің студент жастарының қарым-қатынасын арттыру;
- ЖОО-дарының жаңашылдық ортасын жетілдіру;
- студенттік ғылыми зерттеулер мен жаңашыл жобалардың негізін қалыптьастыру мен кеңейту;
- ғылыми-зерттеу қарекеті, бизнес және мемлекеттік құрылымдардың арасындағы байланыстарды кеңейту және тереңдету.
Студенттердің Халықаралық слётінің бағдарламасына:
1. «Жастардың болашаққа үлесі» жаңашылдық жобалар конкурс-көрмесі;
2. «Заманауи әлем және жастар: көзқарастар мен даму диалектикасы» студенттер мен магистранттардың халықаралық ғылыми-тәжірибелік конференциясы;
3. Ғылым мен кәсіпкерліктің өзекті мәселелері бойынша пікірталастар;
4. Бизнес-тренингтер және басқа да іс-шаралар кіреді.
Ағымдағы жылдың 20-21 сәуір күні аралығында, Талдықорған қаласы І. Жансүгіров атындағы Жетісу мемлекеттік университетінде «Құқық және экономика негіздері» мамандығы бойынша күндізгі бөлімде оқитын 1-4 курс студенттері арасында IX Республикалық пәндік олимпиада өтті. Олимпиадаға барлығы Республика бойынша 9 команда қатысуға ие болған. Аталмыш олимпиада қорытындысы бойынша, «Әлеуметтік жұмыс және әлеуметтік-саяси пәндер» кафедрасының доценті, п.ғ.к., Абдакимова М.К. жетекшілігімен қатысқан «ОПЭК-21к» тобының студенттері Исаев Айтуар, Қанатұлы Жанайдар, Ержан Мақпал, Берикбай Асем жүлделі 3 орынға ие болды. Жүлдегер командаға диплом мен сертификаттар, бағалы сыйлықтар берілді.
Барша кафедра ұжымының атынан құттықтай отырып, жүлдегерлерге алдағы байқаулар мен ғылыми ізденістерде мол табыстар тілеймі
2017 жылдың 20 сәуір «Әлеуметтік жұмыс және әлеуметтік саяси-пәндер» кафедрасының магистрлері Н.Е. Тутинова және Б.Р. Маханова Қазақстан Республикасының Ішкі істер министрлігінің Бәрімбек Бейсенов атындағы Қарағанды академиясынан құқық магистрі, аға лейтенант Боранович Тусупбеков Алибекті шақыруымен ҚР Президенті мемлекет басшысы Н.А. Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына жолдауының негізгі ережелерін түсіндіру және жүзеге асыру бойынша «Жемқорлықты алдын алудың әлеуметтік және құқықтық факторлары» тақырыбында дәріс ұйымдастырып, кездесу өткізді. Студенттер тақырып бойынша талқылауға белсенді қатысып, сұрақтар қойып, өз ойларын айтты.
Қазақстан Республикасындағы үштілді дамыту мақсатында 2017 жылы 28-ші сәуірде облыстық «Тілдарын» сайысы өтті. Бұл сайысты Тілдерді дамыту бойынша Қарағанды облыстық басқармасы ұйымдастырды. Ал сайыс Е.А.Бөкетов атындағы ҚарМУ-нің базасында өтті.
