Құрметті Нурлан Адильбаевич!
Қарағанды экономикалық университетінің профессор, оқытушылар құрамы мен студенттер қауымы Сізді 60 жылдық мерейтойыңызбен құттықтайды! Сізге мықты денсаулық, отбасыңызға амандық, шығармашылығыңызға табыстар тілей отырып, шәкірттеріңіз бен әріптестеріңіздің арасында аман-сау жүре беріңіз деген тілек білдіреміз!
12.05.2017 университеттің профессорлық-оқытушылар құрамына арналған оқу-әдістемелік семинар өтті. «Білім берудің Веналық үлгісі. Негізгі сұрақтар» тақырыбында өткен семинарды «Әлемдік экономика мен халықаралық қатынастар» кафедрасының аға оқытушысы Сыздыкбеков Е.С. жүргізді.
Білім берудің Веналық үлгісі австриялық ұстаздадың қолданып жүрген оқытудың жаңа инновациялық әдістерін енгізуді білдіреді. Аталған жұмысты ҚҚЭУ бір топ оқытушылары Erasmus+ бағдарламасының аясында CACTLE (Білім беру, оқыту және кәсіпкерлік орталығы) жобасына қатысып, өткізуде.
Семинар жоғарғы әдістемелік дәрежеде өтіп, аудитория тарапынан шынайы қызығушылық тудырды.
2017 жылдың 1-10 сәуір аралығында МО-42 тобының студенті Смагулова Жанар «Шығыс-Батыс» атты жастардың Халықаралық ғылыми форумының аясында өткен Еуропа мен Азия мектеп түлектері, орта арнайы әрі жоғары оқу орындарының студенттері арасында өткен үздік ғылыми-зерттеу жұмыстарының 1 Еуропалық конкурсына қатысты. Форумға 30 елден түлектер қатысты. Смагулова Жанардың «The methods of popularization of the EEU in the youth environment» атты жобасы «Қоғамдық ғылымдар» секциясының «Үздік жұмысы» номинациясын жеңіп алды. Жанарға арнайы диплом, ал ғылыми жетекшісі «Әлемдік экономика және халықаралық қатынастар» кафедрасының доценті Видрицкаяға Н.И. алғыс хат берілді.
Біздің студентіміз – Смагулова Жанар алдағы уақытта да жастардың ғылыми әлеуетіне орасан үлес қосады деп сенеміз. Құттықтаймыз!
 Видрицкая Н.И..pdf | 692 kB |
| Смагуловой Жанаре Куатовне.pdf | 724 kB |
23 қаңтар мен 1 сәуір аралығында «Әлемдік экономика» және «Халықаралық қатынастар» мамандықтарының студенттері Нугуманова У. мен Смагулова Ж. Қазақстан Республикасының Қаржы министрлігінде өндірістік тәжірибеден өтті. Тәжірибенің аздығына қарамастан студенттер ҚҚЭУ-де алған білімдерін жоғары деңгейде пайдалана білді, сол арқылы олар Қазақстан Республикасы мен Ирландия Үкіметтерінің арасындағы Конвенцияға қол қою салтанатына қатысу мүмкіндігіне ие болды.
12.05.2017 «Ақпараттық-есептеуіш жүйелері кафедрасы» кәсіби бағыт жұмысы бойынша Қарағанды қаласының орта-кәсіби білім беретін оқу орындарының арасында «IT-технологиялар саласындағы үздік инновациялық жоба» атты байқауын өткізді.
Байқау қорытындысы бойынша жүлдегерлер келесі орындарға ие болды:
2017 жылдың 26-27 сәуірінде Қазтұтынуодағы Қарағанды экономикалық университетінде «Жаңа ұрпақ. Жаңа энергия. Жаңа дәуір» деп аталатын Халықаралық студенттер слёті өтті. «Жастар. Ғылым. Инновация» сөзі слёттің девизіне айналды.
Слёттің мақсаты: студенттік ғылымды дамыту, талантты жастарды анықтау және қолдау.
Слёттің міндеттері: әртүрлі елдердің студент жастары арасындағы коммуникативтік байланыстарды арттыру; ЖОО-лық инновациялық ортаны жетілдіру; студенттік ғылыми зерттеулер мен инновациялық жобалар базасын қалыптастыру және кеңейту; ғылыми-зерттеу қызметі, бизнес пен мемлекеттік құрылымдар арасындағы байланыстарды кеңейту және тереңдету.
Слёттің жұмысы 5 негізгі іс-шараларды қамтыды.
«Қазіргі әлем және жастар: көре білу және дамыту диалектикасы» тақырыбында Халықаралық ғылыми-тәжірибелік конференция өткізілді. Конференцияға 400-ден астам студенттер, магистранттар, аспиранттар мен докторанттар қатысты.
ТМД елдерінен және алыс шетелден 40 мақала қарауға қабылданды. Пленарық мәжілісте Қазақстанның, Ресейдің, Италияның, Беларусияның өкілдері қатысты. Әртүрлі ғылыми бағыттар бойынша 6 шағын секциялар мен 7 секция жұмыс жасады.
Әрбір секциялар мен шағын секциялар шеңберлерінде үздік баяндамашылар анықталып, бірінші, екінші және үшінші дәрежедегі дипломдар, сондай-ақ: «Үздік шешен», «Үздік таныстырылым», «Үздік дәлелдеме», «Жаңа топшылау», «Құзыреттілік және креативтілік» бес номинациялары бойынша дипломдар тапсырылды. Қорытындысы бойынша конференция материалдарының жинақтары: бірінші том баспа форматта (көлемі 310 бет), екінші том электрондық форматта (көлемі 700 бет) дайындалды.
 Слет.pptx | 17462 kB |
2017 жылы 4 мамырда аға оқытушылар Байгожина Г.М. мен Шукушева Е.В. МО-31, МО-32 топтарымен бірге «Этносаралық қатынастар мен сепаратизм» пәнінің шеңберінде Қазақстан халықтары Ассамблеясы достығы үйіне барды. Бүгінде біздің облыста 74 этномәдени бірлестіктер қызмет жасап, біртұтас үлкен жанұяға – Қазақстан халықтарының Ассамблеясына бірігіп отыр. Студенттер аталмыш ұйымның қызметімен танысып, облыста тұрып жатқан ұлттардың тарихы және мәдениетімен танысты.
4 мамыр 2017ж. ӘЖ және ӘСП кафедрасының оқытушылары Жеңіс күнінің 72 жылдығына «1941-1945 жылдардағы Ұлы Отан соғысындағы Қазақстан» тақырыбына арналған дөңгелек үстел өткізді. Мақсаты: Жас ұрпақты бейбітшілікті сақтауға және нығайтуға, өз Отанын сүюге, Отанымыздың саясатын қолдауға бағытталған. Жеңіс күні - ұлыстың ұлы күні, халықтық мереке, оның тарихи маңызы ерекше.
Жеңіс күнінің қарсаңында «Әлемдік экономика және халықаралық қатынастар» кафедрасының аға оқытушысы Мусаева Э.А. МО-11к, МО-14с/к топтарына Долинка ауылында орналасқан саяси репрессия құрбандарына арналған мұражайына саяхат ұйымдастырды. Мұражай 1933-1935 жылдары соғылған бұрынғы Карлаг басқармасының мекемесінде орналасқан. Студенттер тарихтың мыңдаған адамдарды жалмаған ең қайғылы парақшаларымен танысып, үлкен әсерде қалды.
Қазтұтынуодағы Қарағанды экономикалық университетінде 2017 жылдың 27 сәуірінде «Жаңа ұрпақ. Жаңа энергия. Жаңа дәуір» Халықаралық студенттер слеті шеңберінде ғылым мен бизнес проблемалары бойынша бизнес-сынып және семинар-пікірсайыс ұйымдастырылды. Қарағанды облысының кәсіпкерлер Палатасының маркетологтар тобының кураторы - Ташони Елена Николаевна студенттермен, магистранттармен және оқытушылармен «Бизнесті жоспарлау туралы» пікірсайыс өткізді. Аграрлық саладағы және қоғамдық тамақтандырудағы бизнесті дамыту тақырыптары слетке қатысушылардың көбірек қызығушылығын туғызды. Студенттер мейрамхана бизнесі үшін орын таңдау, бастапқы капиталдың мөлшері сияқты сұрақтар қойды. Кафе мен мейрамханаларға келушілер үшін тартымды болуы мүмкін жеке ерекшеліктерді талқылады.
Ғылым мен бизнес проблемалары бойынша пікірталас ДАМУ кәсіпкерлікті дамыту Қоры АҚ бағдарламалары мен мемлекеттік бағдарламалар жөніндегі консультант Гаухар Қойбағарованың және»Сары-Арқа» Технопаркінің жобалау менеджері Ернат Әбеуовтың қатысуымен ары қарай жалғасты. Бұл пікірсайыста қойылған сұрақтардың саны мен қатысу белсенділіктері бойынша магистранттар мен оқытушылар көшбастады. Студенттер де олардан қалысқан жоқ. Негізінен пікірсайысқа қатысушыларды: жобаны қаржыландыруға берілетін өтінімге қойылатын талаптар, бизнесті жаңадан бастаушы өтініш беруші-кәсіпкерлер тіркеуден жиі бастарту ала ма; комиссия қандай салалардың дамуына артықшылық береді; технологиялар трансфері бойынша жобалар неге қабылданбайды деген сұрақтар көбірек қызықтырды. Осы және басқа да көптеген сұрақтар негізгі назардан тыс қалмады.
Жоғарыда аттары аталған форум қонақтарының Қарағанды экономикалық университетінде жиі болатынын және олардың кәсіпкерлермен кездесулері ғылым, білім беру мен бизнесті байланыстырушы қызықты әңгімелесулер түрінде өтетінін атап көрсеткен орынды.
Кездесулер модераторы экономикалық және құқықтық зерттеулер ҒЗИ аға ғылыми қызметкері т.ғ.к., доцент Ю.И.Осик.
2 мамыр 2017 жылы «Әлеуметтік жұмыс және әлеуметтік-саяси пәндер» кафедрасы Ұлы Отан соғысы жеңісінің 72-жылдығына орай Қарағанды облысы Қарағанды қаласының қарттар мен мүгедектердің №1 медициналық әлеуметтік мекемесі» КММ-да қайырымдылық мерекелік концертін өткізді. Концерте ҚҚЭУ Бизнес және құқық факультетінің студенттері қатысты. Соғыс жылдарындағы әндер айтылып, өлең-жырлар оқылды, би биледі.
Ардагерлер концерт бағдарламасына белсене қатысып, ән айтты, соғыс жылдарындағы естеліктермен бөлісті.
