Қазақ тілі және Қазақстан мәдениеті кафедрасы
Атауы: «Сөз маржаны – халық мұрасы»
Өткізілетін күні: 30.11.2010г., сағ.14.00
Өткізілетін орны – ҚҚЭУ кітапханасы
Мақсаты: Мемлекеттік тілдің қолдану аясын кеңейту, тіл мәдениетін көтеру, көркем әдебиетті насихаттауды жандандыру, оқушылардың білім деңгейін, шығармашылық ізденісін, танымдық қабілетін, ауызекі сөйлеу дағдысын дамыту арқылы сөз өнерін насихаттау.
Қатысушылар: қалалық мектеп оқушыларының 11-сынып оқушыларынан 3 оқушы. Сонымен қатар, өз ойыншыларын қолдаушы жанкүйерлер (11 сынып оқушылары)
Сайысқа қатысушы оқушылар тізімі мен команданың атын 26-қарашаға дейін келесі мекенжайға хабарлауларыңызды өтінеміз:
ЕРЕЖЕСІ:
Өткізілетін күні – 30 қараша 2010ж., сағ.14.00
Танымдық ойын келесі номинациялар бойынша өткізіледі:
1. Мақал – сөздің мәйегі
а) тақырып бойынша мақал айту; Мысалы: тіл туралы – Өнер алды – қызыл тіл.
ә) мақалдың жалғасын табу; Мысалы: Көшерін жер, ...
б) жасырылған мақал-мәтелді табу.
2. 100 тағылым
Философиялық мағынадағы жұмбақтар шешу; Мысалы: Дүниедегі ащы не? – Дүниедегі ащы – тіл.
3. Салт. Дәстүр. Әдет. Ғұрып.
Тақырып бойынша берілген жағдаяттық сұрақтарға жауап беру. Мысалы: Ұзатылатын қыз тойында қыз-жігіттер тобы – кететін қыздың көңілін аулау, бара жатқан жағында да осындай жақсы жайлар болатынын өлеңмен айтысады. Сонымен бірге олар қыздың бақытты,абыройлы, елге сыйлы болуына тілектестік білдіреді. Сұрақ: қандай салт-дәстүр жайлы айтылған, жауап: жар – жар.
4. Өнер алды – қызыл тіл.
Даналардан қалған сөздер, нақыл сөздер, шешендік сөздерді, мақал-мәтелдерді бүгінгі күнмен ұштастыра отырып ой-толғау. Мысалы: Қыстың қамын жаз ойла, жаздың қамын қыс ойла.
5. Қарашаңырақ
Қазақ халқының мәдениеті мен этнографиясына байланысты тақырыптар бойынша сөз мағынасын ашу. Мысалы: уық - киіз үйдің сүйегі
6. Көз салдым, жүйрігі мен жорғасына
Төрт түлік мал, жан – жануарлар (жасы, дыбыстауы, шақыруы) туралы сұрақтар.
Қарағанды қ., Академическая көш., 9-үй, 2-қабат, 263-каб.
Тел.: 44-15-92 + 148 (ішкі)
Факс: 44-16-32
