Жаңа серіктестер және өзара әрекеттесу перспективалары
2023 жылғы 24 ақпанда Қазақстан Республикасы Президентінің жанындағы Мемлекеттік басқару академиясында «Мемлекеттік басқару», «Мемлекеттік және жергілікті басқару», «Адамзат ресурстарын басқару» мамандықтары бойынша докторантура мен бакалавриат дайындайтын қазақстандық жоғары оқу орындарымен ынтымақтастық туралы меморандумға қол қою рәсімі өтті.
Қол қою рәсімінде Қазақстан Республикасының Ғылым және жоғары білім министрі Саясат Нұрбек пен Қазақстан Республикасы Мемлекеттік қызмет істері агенттігі төрағасының орынбасары Азамат Жолманов құттықтау сөз сөйледі.
Ынтымақтастық туралы келісімге 32 отандық ЖОО, оның ішінде Қазтұтынуодағы Қарағанды университеті де қол қойды.
Меморандумға қол қойылғаннан кейін тараптар осы құжат аясындағы негізгі іс-шараларды жүзеге асыру бойынша Жол картасын талқылады.
Өзара іс-қимылдың негізгі бағыттары бірлескен зерттеулер, білім беру бағдарламаларын әзірлеу және енгізу, мемлекеттік басқару, мемлекеттік қызмет және HR саласында сарапшылар пулын құру болып табылады.
Жоғары оқу орындарының докторанттары мен магистранттары мемлекеттік органдарда тәжірибеден өтуге және тағылымдамадан өтуге мүмкіндік алады.
 |
 |
 |
 |
 |
 |
