«Технологияларды коммерцияландыру және ғылымдағы жастар» тақырыбындағы «Technology Commerzcialization Point» диалог алаңы

2023 жылдың 06 сәуірінде Астана қаласында Қазақстан Республикасы Ұлттық Академиялық кітапханасында «Ғылым қоры» АҚ ұйымдастырған, «Технологияларды коммерцияландыру және ғылымдағы жастар» тақырыбында жастар ғылыми қоғамы өкілдерінің кездесуі өтті. Диалог алаңына Қазтұтынуодағы Қарағанды университетінің өкілдері, атап айтқанда ЖҒМК және «Достық «Коворкинг орталығы» технологиялық бизнес-инкубаторының мүшелері қатысты.
Кездесу барысында «Ғылым мен бизнесті интеграциялау: жастар үшін мүмкіндіктер мен перспективалар»; «Стартаптар және технологиялық кәсіпкерлік»; «Жастарды ғылымға тарту тәжірибесі»; «Университеттердің ғылыми қызметінің нәтижелерін коммерцияландырудағы студенттердің рөлі»; «Жас ғалымдар кеңесінің қызметі туралы», «Қазақстанның инновациялық экожүйесіне қатысушылар қауымдастығы» жайлы өзекті тақырыптар бойынша баяндамалар тыңдалды. Кездесуді қорытындылай келе, «Technology Commerzcialization Point» диологиялық алаңының қатысушылары әрі қарайғы ғылыми ынтымақтастық туралы пікірлерімен және ұсыныстарымен алмасты.