Қазтұтынуодағы Қарағанды университетінің "Eco friendly university"байқауындағы жеңісі
Қарағанды қаласының Жастар ресурстық орталығы Қарағанды қаласы бойынша "Жасыл Ел" жастар еңбек жасағының XVIII еңбек маусымының Тазалық кубогы аясында "Eco friendly university" байқауын өткізді.
Байқау қаламыздың жоғары оқу орындары арасында өткізілді.
Бұл байқаудың мақсаты-заманауи экологиялық дүниетанымды қалыптастыру, халықтың экологиялық білімі мен экологиялық мәдениетін арттыру.
Байқау үшін Студенттік Парламент депутаттары университеттің қала экологиясына қосқан үлесі туралы бейнеролик дайындады. Байқау қорытындысы бойынша Қазтұтынуодағы Қарағанды университеті Құрметті I орынға ие болды және университетке "eco FRIENDLY University QARAGANDY"атағы берілді.
