1 мамыр-Қазақстан халқының бірлігі күні
2021 жылғы 22 сәуірде Жастар бастамалары орталығы онлайн форматта "1 мамыр – Қазақстан Халқының Бірлігі күні"атты дөңгелек үстел өткізді.
Дөңгелек үстелге қатысушыларға университеттің әлеуметтік мәселелер жөніндегі проректоры, т. ғ. д., профессор Қ. Ж. Әбілов құттықтау сөз сөйледі.
"Қазақстан - полиэтносты және поликонфессиялы ел. Онда жүз қырыққа жуық этнос өкілдері бейбітшілік пен келісімде өмір сүреді. Қазақстан халқы бейбіт өмір сүруде, осы жерде жұмыс істейтін барлық этникалық топтардың мәдениетіне, дәстүрлеріне, әдет-ғұрыптарына өзара түсіністікпен және құрметпен қарайды. Қазақстан халқының бірлігі мерекесі байланыстарды нығайтуға, түрлі этностар өкілдерінің арасындағы диалогты ашық етуге, елде тұратын этностардың мәдени диалогының жетістіктерін көрсетуге бағытталған. Қазақстан халқының бірлігі күні көптеген жылдар бойы қалыптасқан дәстүрлер мен мерекелеу тәртібіне ие болды – деп атап өтті ол.
"Қоғамдық келісім" КММ ғылыми-сараптамалық сүйемелдеу және әдістемелік қамтамасыз ету бөлімінің сарапшысы Дюсекеева А.А. жиналғандарға Қазақстан халқы Ассамблеясының қызметі, Қарағанды облысының этномәдени бірлестіктерінің біздің ортақ үйіміздегі достықты, бейбітшілік пен келісімді нығайтуға қосқан үлесі туралы айтып берді.
Дөңгелек үстелде ф.ғ. к., "Қазақ тілі және Қазақстан мәдениеті" кафедрасының доценті М. А. Топашовтың , университет студенттерінің мерекенің шығу тарихы, оның Қазақстан үшін маңызы, қазақстандық бірегейлік пен бірліктің, болашағы біртұтас ұлттың қалыптасу проблемалары жөніндегі баяндамалары талқыланды.
 |
 |
 |
 |
