«Ұлылар үндестігі» атты дөңгелек үстел
Жыр алыбы Жамбыл Жабаевтың туғанына 175 жыл, дауылпаз ақын Қасым Аманжоловтың туғанына 110 жыл, ақиық ақын Мұқағали Мақатаевтың туғанына 90 жыл толуына орай «Рухани жаңғыру» бағдарламасының аясында 16 сәуір күні Қазақ тілі және Қазақстан мәдениеті кафедрасының ұйымдастыруымен Zoom платформасында «Ұлылар үндестігі» тақырыбында дөңгелек үстел өтті. Іс-шараға 1-2 курс студенттері мен кафедра оқытушылары қатысты. Дөңгелек үстел барысында студенттер Ж.Жабаев, Қ.Аманжолов, М.Мақатаевтың өмірі мен шығармашылығы жайлы өз ойларын ортаға салып, мазмұнды пікір білдірді. Аталған ақындардың жырларын жатқа оқып, дөңгелек үстелдің жоғары деңгейде өтуіне өз үлестерін қосты.
