ПРЕСС-РЕЛИЗ
Қазақстан Республикасының Конституциялық Кеңесі және
Қазтұтынуодағы Қарағанды экономикалық университеті өткізген
Қазақстан Республикасы Конституциясының 25 жылдығына арналған Халықаралық ғылыми-практикалық онлайн-форум,
29 мамыр, 2020 жыл
Қазақстан Республикасы Конституциясының және Қазақстан халқы Ассамблеясының 25 жылдығын ұйымдастыру және өткізу жөніндегі іс-шаралардың Ұлттық жоспарына сәйкес, Қазақстан Республикасының Конституциялық Кеңесі Қазтұтынуодағы Қарағанды экономикалық университетімен бірлесіп, 2020 жылғы 29 мамырда Қазақстан Республикасы Конституциясының 25 жылдығына арналған халықаралық ғылыми-практикалық форум өткізді. Форум Zoom конференция режимінде өтті.
Форумға жоғарғы және жергілікті мемлекеттік органдар мен әкімшіліктердің, Қарағанды облысының облыстық және мамандандырылған соттарының, прокуратураның, полицияның, құқық қорғау органдарының және қоғамдық бірлестіктердің 62 өкілдері қатысты. Форумға Болгарияның, Ресейдің, Қырғызстанның, Тәжікстанның, Өзбекстанның жоғары оқу орындарының, сондай-ақ Қазақстанның барлық аймақтарындағы университеттердің танымал отандық және шетелдік ғалымдары қатысады.
 |
 |
Пленарлық отырыста Қазтұтынуодағы Қарағанды экономикалық университетінің ректоры, заң ғылымдарының докторы, профессор Аймағамбетов Ерқара Балқараұлы Қазақстан Конституциясының «Қазақстанның даму жолындағы» маңыздылығын және Конституциялық Кеңестің қауіпсіздікті қамтамасыз етудегі рөлін атап өтті.
Ол университет пен Қазақстан Республикасының Конституциялық Кеңесі арасындағы екіжақты ынтымақтастықтың тығыз форматын атап өтті. Форум қатысушыларына алғыс білдірді. Жақында 80 жасқа толған Авакян Сурен Адыбековичке алғыс пен құттықтау сөздері айтылды.
Қазақстан Республикасы Конституциялық Кеңесінің Төрағасы - Мәми Қайрат Әбдіразақұлының құттықтау сөзінде университет ректорына, форумға қатысушылар мен оның ұйымдастырушыларына алғыс сөздері айтылды. Қазтұтынуодағы Қарағанды экономикалық университетімен екіжақты ынтымақтастықтың маңыздылығы атап өтілді.
Қазақстан Республикасы Конституциялық Кеңесінің мүшесі, Әлібек Ақылбекұлы Темербековтің сөйлеген сөзінде Қазақстан Республикасы Конституциялық Кеңесінің тәжірибесіндегі конституционализмнің рөлі айтылып өтті.
Пленарлық баяндамашылардың бірі , М.В. Ломоносов атындағы Мәскеу мемлекеттік университетінің заң факультеті, конституциялық және муниципалды құқық кафедрасының меңгерушісі, з.ғ.д., профессор, Ресей Федерациясының еңбек сіңірген ғылым қайраткері, Ресей Федерациясының құрметті заңгері, Ресей Конституциясына өзгерістер енгізу бойынша ұсыныстар дайындау жөніндегі жұмыс тобының мүшесі - Авакян Сурен Адибекович.
Сурен Адибекович, Ресей Федерациясының Конституциясына алдағы өзгертулер мен толықтыруларға қысқаша шолу жасап, Қазақстан Конституциясының кейбір ережелерін экстраполяциялаудың оң тәжірибесін атап өтті.
Жақында өткен 80 жылдық мерейтойына орай Сурена Адибековичке арналған құттықтау сөздер мен тілектер келіп түсті.
Конституциялық Кеңестің мүшесі - Малиновский Виктор Александрович, Қазақстан Республикасы Конституциялық Кеңесінің Төрағасы атынан Сурен Адибековичке арналған құттықтау сөзін оқыды. Қазақстан Конституциясының 25 жылдығына арналған форумның маңыздылығын атап өтті.
М.В. Ломоносов атындағы Мәскеу мемлекеттік университетінің заң факультеті конституциялық және муниципалды құқық кафедрасының доценті, заң ғылымдарының кандидаты Малютин Никита Сергеевичтің посткеңестік кеңістіктегі конституциялық бақылау институтын модернизациялауды, Қазақстан Республикасы Конституциялық Кеңесінің қызметіне ерекше назар аудара отырып ғылыми талдауға арналған баяндамасы, форум қатысушыларының қызығушылығын тудырды.
Қазақстан Республикасы Бас прокуратурасы жанындағы Құқық қорғау органдары академиясының доценті Сейтаева Жанар Секежанқызының, Қазақстан Республикасы Конституциялық Кеңесі Аппаратының құқықтық және халықаралық ынтымақтастық бөлімінің меңгерушісі Бадалиев Манон Киргизбаевичтің, сондай-ақ «Әкімшілік және қылмыстық сот төрелігі мәселелерін зерттеу» ғылыми орталығының жетекшісі Жакаева Лейла Сұлтанқызы оқыған баяндамалары өзекті және мазмұнды болды.
Форумның жалғасы пікірталас алаңында өтті.
Іс-шараның қорытындысы бойынша форумнан материалдар жариялау жоспарлануда, олар Қазақстан Республикасы Конституциялық Кеңесінің сайтында және Қазтұтынуодағы Қарағанды экономикалық университетінің сайтында орналастырылады.
