• ВЕРСИЯ ДЛЯ СЛАБОВИДЯЩИХ

Қабылдау ережелері

Қабылдаудың типтік ережелері

Құрметті талапкер!

Сізге 2020 жылдың маусым-шілде айларында өткізілетін ҰБТ туралы ақпаратты хабарлаймыз

Ағымдағы жылы Қағидаға енгізілетін ҰБТ жаңалықтары:

  • Орта білім беру ұйымдарының өткен жылғы бітірушілері мен техникалық және кәсіптік немесе орта білімнен кейінгі білім беру ұйымдарының бітірушілерінен өтініштер ағымдағы жылғы 1-30 сәуір аралығында қабылданады.
  • Халықаралық алмасу желісі бойынша шетелде білім алған орта білім беру ұйымдарының бітірушілері мен шетелде білім алған, Қазақстан Республикасының азаматы болып табылмайтын, ұлты қазақ тұлғалардан өтініштер ағымдағы жылғы 1 сәуір – 5 мамыр аралығында қабылданады.

Халықаралық алмасу желісі бойынша шетелде білім алған орта білім беру ұйымдарының бітірушілері мен шетелде білім алған, Қазақстан Республикасының азаматы болып табылмайтын, ұлты қазақ күнтізбелік жылғы бітірушілер аттестат немесе дипломның орнына еркін түрдегі нысан бойынша өзі білім алатын орта білім беру ұйымының анықтамасын және осы анықтаманың нотариалды куәландырылған қазақша немесе орысша аудармасын тапсыра алады.

  • Түсушілерді тестілеуге кіргізу барысында металліздегіштерді қолдану кезінде тыйым салынған зат табылған түсушіге Министрлік өкілі «ҰБТ өткізу пункттерінің ғимаратына кіреберісте, металліздегіш құралды қолдану кезінде тестілеуге тыйым салынған заты табылған түсушіні ғимараттан шығару туралы» актісін жасайды, түсуші тестілеуге кіргізілмейді.
  • ҰБТ қорытындысы бойынша тестілеу нәтижелері Ұлттық тестілеу орталығының (бұдан әрі – Орталық) сайтында жарияланатын болады. Нәтижені көру тестіленушінің ТЖК-сы мен ЖСН-ын енгізу арқылы мүмкін болады.

Бланк түріндегі сертификат берілмейді. ЖОО-ға тестілеу нәтижелерін тексеру үшін сілтеме жіберіледі.

ҰБТ аяқталғаннан кейін  күнтізбелік жылдың 25 тамызына дейін Орталық тестілеуді бейнебақылау жазбаларынан қарауды жүзеге асырады.

ҰБТ кезінде оқуға түсушілердің Қағидалардың 30-тармағында көрсетілген тыйым салынған заттардың біреуін пайдаланғаны анықталған жағдайда тестілеу нәтижелері (ҰБТ балдары), сондай-ақ республикалық (жергілікті атқарушы орган) бюджет қаражаты есебінен білім беру грантын беруге арналған конкурстың нәтижелері жойылады.

- Ел аумағында енгізілген төтенше жағдайға (бұдан әрі – ТЖ) байланысты өтініштерді қабылдауды 15 сәуірден басталады.

15 сәуірден бастап түсуші http://ent2020.testcenter.kz сайты арқылы ҰБТ-ға алдын ала өтініш (тіркеуден өткеннен кейін мүмкін болады) бере алады.

Аталған интерфейсте түсуші өзінің жеке мәліметтерін енгізгеннен кейін екі түрлі әдіспен: банк карточкасы немесе Kaspi.kz  арқылы тестілеуге ақы (міндетті төлем батырмасы бар) төлеуі тиіс. Бұл жағдайда төлемді растаудың немесе түбіртекті тапсырудың қажеті жоқ.

Тестілеу бағасы – 2242 теңге.

ТЖ режимі алынғаннан кейін ЖОО-ға түсуші келесі құжаттарды тапсыруы қажет:

  • өтініш (ЖОО-да беріледі);
  • 3 x 4 көлемдегі екі фотосурет;
  • орта, техникалық және кәсіптік немесе орта білімнен кейінгі білімі туралы құжатты (түпнұсқа);
  • жеке басын куәландыратын құжаттың көшірмесін;
  • электронды нысандағы 086-У нысандағы медициналық анықтаманы тапсырады.

ҰБТ барлығына сәтті тапсыру!


Шетел азаматтарын қабылдау ережелері

Ақылы негізде шетел азаматтарын жоғары оқу орындарына  қабылдау үшін, күнтізбелік жыл ішінде қабылдау комиссиясы өткізген әңгімелесу нәтижесі бойынша жүзеге асырылады.

Академиялық күнтізбеге сәйкес шетел азаматтарын жоғары оқу орындарына қабылдау келесі академиялық кезең басталғанға дейін 5 (бес) күн бұрын жүзеге асырылады.

Құжаттар тізімі:

1) Жалпы орта, техникалық және кәсіптік, орта білімнен кейінгі немесе жоғары білім туралы құжат (түпнұсқа) - нотариалды куәландырылған көшірме және аударма;

2) Жеке басын куәландыратын құжаттың көшірмесі - нотариалды куәландырылған аударма

3) 3 х 4 өлшемдегі 6 фотосурет

4) 086-у нысанындағы медициналық анықтама

 Шет тілдік оқу ұйымымен берілген білім туралы құжаттар 1 (бірінші) академиялық кезеңдегі оқуға қабылданғаннан кейін Қазақстан Республикасының заңнамасында бекітілген нострификация рәсімінен өтеді.


 Құрметті талапкер!

2019 жылдан бастап білім беру гранттары маусым айында өткізілетін ҰБТ сертификатының балдарына сәйкес білім беру бағдарламаларының топтары бойынша берілетін болады.

Білім беру бағдарламаларының тобы бір немесе бірнеше білім беру бағдарламаларынан тұрады. Жалпы білім беру бағдарламаларының  97 тобы бар.

ҰБТ-да бейіндік пәндердің келесі комбинациялары анықталған:

Математика

Физика

Математика

География

Биология

Химия

Биология

География

Шет тілі

Дүниежүзі тарихы

География

Шет тілі

Дүниежүзі тарихы

Адам. Қоғам. Құқық

Дүниежүзі тарихы

География

Қазақ тілі/ Орыс тілі

Қазақ әдебиеті/ Орыс әдебиеті

Химия

Физика

Шығармашылық емтихан

Шығармашылық емтихан

Сізге бейіндік пәндер сәйкес келген жағдайда төртке дейін білім беру бағдарламаларының тобын таңдау мүмкіндігі беріледі.

Мысалы, «Биология» + «Химия» бейіндік пәндер комбинациясымен Сіз білім беру грантын тағайындау конкурсында:

1) «Химия мұғалімдерін даярлау»;

2) «Биологиялық және сабақтас ғылымдар»;

3) «Ветеринария»;

4) «Жалпы медицина» сияқты білім беру бағдарламалары топтарын таңдай аласыз.

Білім беру бағдарламалары топтарының тізімі Ұлттық тестілеу орталығының сайтында жарияланған (https://testcenter.kz).

Білім беру бағдарламалары топтары бөлінісіндегі гранттар саны бекітілгеннен кейін жоғары оқу орындары іске асыратын білім беру бағдарламаларының тізіліміне сілтеме жасай отырып, ҚР БҒМ және Ұлттық тестілеу орталығының сайттарында орналастырылатын болады.

Қабылдау кезінде грант иегері бола отырып, Сіз білім беру бағдарламаларының тиісті тобынан білім беру бағдарламасын таңдайсыз.

Мысалы, «Химия мұғалімдерін даярлау» білім беру бағдарламаларының тобы бойынша грант иегері қабылдау кезінде Сіз «Химия» немесе «Химия-Биология» бойынша білім беру бағдарламасын таңдай аласыз.

Электронный университет
3D тур КЭУ
Антиплагиат
Темпус
Erasmus